الجنس : الابراج : عدد الرسائل : 566 تاريخ الميلاد : 01/08/1988 العمر : 35 العمل/الترفيه : Programmer المزاج : زى الفل رقم العضوية : 4 السٌّمعَة : 31 نقاط الترشيح : 918 تاريخ التسجيل : 21/08/2007
موضوع: مجرد شعور الثلاثاء أبريل 15, 2008 5:19 am
جواك احساس غريب ... عاوز تبعد عن الناس ... مش عاوز تسمع حد تدخل غرفتك تترمي على سريرك ... والشباك قصادك مفتوح ... والسماء وقت الغروب ... تبصلها وتسرح بفكرك بعيد ... شوية وتحط ايدك على صدرك وتحسه وهو بيطلع وبينزل ... وشوية تبدا تسمع صوت نفسك .... ودقات قلبك .. ترجع تبص للسما تاني .... تلاقيها فاضية ... وزرقاء ... مش مكتوب عليها حاجة ولا مرسوم عليها حاجة ؟؟؟ هي صافية وفاضية خالص ... بس مش عارف ليه تلاقيها بتفكرك بكل حاجة ... ومن غير ماتحس ؟ ومن غير ماتعرف ليه ...؟؟؟ تبص تلاقي عينك بتدمع ... تحس انها سخنة قوي وهي بتنزل على خدك مش عارف ليه ؟؟؟ تحس انك عاوز تشوف نفسك وانت بتعيط ... تقوم تبص في المرايا ... تلاقي عينيك حمراء ... وريقك ناشف وشايفيفك جافة ... وتقعد تبص زي ماتكون مستمتع انك بتعيط
تقعد تبص لنفسك شوية... وترجع تاني للسرير .... تبدا تسمع اصوات مناقشات ناس وصوت قطة .. وصوت صرار الليل ... وفجاة ومن غير مقدمات تهدى كل الاصوات ومايبقاش مسموع غير صوت نفسك ... تستريح قوي بالهدوء ده وتسترخي خالص ....
بس هو معقول الدنيا يبقى فيها راحة ابدا ... فجاة بردو ومن غير مقدمات تلاقي الاصوات رجعت تاني .. واعلى من الاول كمان ... وانت مغمض عينيك ومسترخي عاوز تصرخ فيهم ... وتقولهم عاوز استريح .. عاوز تصرخ ... عاوز تصرخ ... تيجي ناموسة تقرصك ... تقوم مصرااااااااااااااااااااااااخ
وبعدين.... بعد كدة ايه ؟؟ مش عارف ... تحس انك مش عارف حاجة ومش عاوز تحس بحاجة .. وبس
حسيتو بالحاجة دي قبل كدة .... ولا الهبل من نصيبي انا بس ..؟؟؟؟؟؟؟
موضوع: مجرد شعور 
الثلاثاء أبريل 15, 2008 5:19 am
